Իրանական պատվիրակությունը Շվեյցարիայում բանակցությունների երկու փուլ կանցկացնի:
Իրանական պատվիրակությունը հունիսի 21-ին Շվեյցարիայում նախատեսում է անցկացնել երկփուլ բանակցություններ։ Այս մասին հայտնել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղային։
Առաջին փուլը կլինի միջնորդ երկրների՝ Պակիստանի և Քաթարի ներկայացուցիչների հետ, որի ընթացքում իրանական կողմը կներկայացնի իր դիրքորոշումը ձեռք բերված պայմանավորվածությունների կատարման վերաբերյալ։ Երկրորդ փուլը օրվա երկրորդ կեսին կլինի քառակողմ հանդիպում՝ Իրանի, ԱՄՆ-ի, Քաթարի և Պակիստանի պատվիրակությունների մասնակցությամբ։
Բաղային ընդգծել է, որ Թեհրանի համար առանցքային է ԱՄՆ-ի կողմից ստանձնած պարտավորությունների կատարումը, իսկ Իրանը պահանջում է հստակ երաշխիքներ դրանց լիարժեք կիրառման համար։ Բանակցությունները տեղի են ունենում տարածաշրջանային լարվածության ֆոնին, օրակարգում՝ ԱՄՆ-Իրան պայմանավորվածությունների իրականացումը, հրադադարի պահպանումը և տարածաշրջանային անվտանգության հարցերը։
