Թրամփն ու Փեզեշքիանը ստորագրել են հուշագիրը.
Դոնալդ Թրամփն ու Մասուդ Փեզեշքիանը էլեկտրոնային եղանակով ստորագրել են ԱՄՆ-ի և Իրանի միջև փոխըմբռնման հուշագիրը։
14 կետից բաղկացած համաձայնագիրը ևս 60 օրով երկարաձգում է ապրիլին հայտարարված հրադադարը, այդ թվում՝ Լիանանում, որպեսզի երկու կողմերին հնարավորություն տրվի պայմանավորվել վերջնական զինադադարի շուրջ։
Ինչպես հայտնել են ԱՄՆ-ի և Իրանի պաշտոնատար անձինք, Թրամփը և Իրանի նախագահ Մասուդ Փեզեշքիանը հուշագիրը ստորագրել են էլեկտրոնային եղանակով՝ անգլերենով և ֆարսիով, իսկ Իրանի արտաքին գործերի նախարարությունը հայտարարել է, որ համաձայնությունն ուժի մեջ է մտել չորեքշաբթի օրը։
Թրամփը փաստաթուղթը ստորագրել է Վերսալի պալատում Ֆրանսիայի նախագահ Էմանուել Մակրոնի հետ հանդիսավոր ընթրիքից անմիջապես առաջ, որտեղ ժամանակին ստորագրվել էր համանուն պայմանագիրը՝ պաշտոնապես ավարտելով Առաջին համաշխարհային պատերազմը։
