Եվրահանձնաժողովը շտապ կարգով միջոցառումների փաթեթ է պատրաստում Հայաստանի հետ առևտուրը մեծացնելու համար՝ կապված ՌԴ մի շարք ապրանքների արտահանման սահմանափակումների հետ. Financial Times
Թերթը գրում է, որ Բրյուսելը մշակում է այսպես կոչված ինքնավար առևտրային միջոցառումներ, որոնք կնվազեցնեն հայկական սննդամթերքի և գյուղատնտեսական արտահանման մաքսատուրքերը։
Ըստ պարբերականի` միջոցառումները, որոնք պահանջում են ԵՄ անդամ պետությունների մեծամասնության և Եվրախորհրդարանի հաստատումը, կընդգրկեն ապրանքների մոտ 20 կատեգորիաների մեծ մասը, որոնց արժեքը տարեկան կազմում է մոտ 420 մլն եվրո: Բայց միևնույն ժամանակ Հայաստանի մի շարք արտահանվող ապրանքներ խնդիրներ են ստեղծում ԵՄ պաշտոնյաների համար։
Դա վերաբերում է առաջին հերթին կոնյակին՝ ՀՀ–ից արտահանվող հիմնական ապրանքներից մեկին՝ հաշվի առնելով կոնյակի արտադրության կարևորությունը Ֆրանսիայի համար։ Մեկ այլ խնդիր է նաև դեպի ծով ելք չունեցող երկրից Թուրքիայի կամ Վրաստանի միջոցով փչացող ապրանքների տեղափոխման դժվարությունը։
