Դուք քաղաքական ուժ չեք, դուք փողի տոպրակ եք, որը ՀՀ Ազգային ժողովում անելիք չունի. Ալխաս Ղազարյան
ԱԺ «Քաղաքացիական պայմանագիր» խմբակցության պատգամավոր Ալխաս Ղազարյանը «Ֆեյսբուք»-ի իր էջում գրառում է կատարել՝ անդրադառնալով ԿԸՀ-ի դիմաց բողոքի ձայն բարձրացրած ընդդիմության անդամներին ու նրանց հայտարարություններին:
«Իշխանությունը զավթելու հերթական փորձը ձախողվեց։
Այս քաղաքական կրկեսի ներկայացուցիչների կողմից ՀՀ-ում իշխանությունը զավթվել է 1998 թվականին՝ «ԺԷԿ-ի թղթով», 1999 թվականին՝ հոկտեմբերի 27-ով, 2008 թվականին՝ մարտի 1-ով, իսկ 2017 թվականին՝ 2015թ.-ի Սահմանադրության փոփոխությամբ։
Սակայն 2018 թվականին ժողովուրդը մերժեց նրանց։ Բայց նրանք չհանգստացան և վերջին ութ տարիների ընթացքում նույնիսկ տարբեր կալիբրի բոլշևիկ «տերտերների» օգտագործեցին՝ իշխանությունը զավթելու նպատակով։
Նրանց վերջին հույսը հունիսի 7-ի ընտրություններն էին և իրենց բաժանած ընտրակաշառքները։ Սակայն զանգվածաբար բաժանված ընտրակաշառքներն էլ չօգնեցին։
Փողով մանդատ ստացածները լավ կանեն ԱԺ չգան, որովհետև ԱԺ-ում չեն կարողանալու «մարսել» ՀՀ իշխանությունը փողով զավթելու իրենց արկածախնդրությունը։
Դուք քաղաքական ուժ չեք, դուք փողի տոպրակ եք, որը ՀՀ ԱԺ-ում անելիք չունի»,- գրել է նա:
