Մարկ Ռյուտեն կմեկնի ԱՄՆ՝ Զելենսկիին աջակցելու համար. Politico
ՆԱՏՕ-ի գլխավոր քարտուղար Մարկ Ռյուտեն պլանավորում է այցելել Միացյալ Նահանգներ՝ Դոնալդ Թրամփի հետ բանակցություններում Ուկրաինայի նախագահ Վլադիմիր Զելենսկիին աջակցելու համար: Այս մասին հաղորդում է Politico-ն՝ հղում անելով աղբյուրներին:
Հրապարակման համաձայն՝ Դոնալդ Թրամփի հետ սերտ հարաբերություններ պահպանող Մարկ Ռյուտեն կարող է Վաշինգտոն ժամանել օգոստոսի 18-ին: Այցի նպատակն է աջակցել Ուկրաինային դժվար բանակցություններում, հաղորդում է TASS-ը:
Եվրոպական առաջնորդները վախենում են փետրվարի 28-ի միջադեպի կրկնությունից, երբ Դոնալդ Թրամփը Վլադիմիր Զելենսկիին դուրս հրավիրեց Օվալաձև սենյակից: Politico-ն նախկինում հաղորդել էր, որ ԵՄ առաջնորդները մտադիր են նաև Ֆինլանդիայի նախագահ Ալեքսանդր Ստուբին ուղարկել Միացյալ Նահանգներ՝ Դոնալդ Թրամփի և Վլադիմիր Զելենսկիի հանդիպման համար:
