Լևոն Հովհաննիսյանը Երևանի քաղաքապետ Տիգրան Ավինյանի հետ միասին այցելել է քաղաքապետարանի ենթակայությամբ գործող արվեստի և երաժշտական չորս դպրոցներ։
Երևանի քաղաքապետ Տիգրան Ավինյանի հետ միասին այցելեցինք քաղաքապետարանի ենթակայությամբ գործող արվեստի և երաժշտական չորս դպրոցներ։
Այցի ընթացքում ծանոթացանք նորարարական ծրագրի արդյունքներին, որի շնորհիվ սոլֆեջոյի և երաժշտության դասերը դարձել են ավելի հետաքրքիր, ժամանակակից և արդյունավետ։ Քաղաքապետարանի նախաձեռնությամբ մշակութային հաստատություններում ներդրվել է դասասենյակների վերազինման և տեխնիկական արդիականացման փորձնական ծրագիր։
Ծրագրի նպատակն է ձևավորել ժամանակակից կրթական միջավայր, որտեղ երաժշտության տեսության դասավանդումը կլինի առավել ներգրավող և արդյունավետ։ Նոր լուծումները նպաստում են սաների երաժշտական լսողության զարգացմանը, ստեղծագործական մտածողության խթանմանը և երաժշտության հանդեպ սիրո ձևավորմանը։
Այս նախաձեռնությունը ևս մեկ կարևոր քայլ է կրթության և մշակույթի ոլորտում որակական բարեփոխումների իրականացման ուղղությամբ։
