Լարիսա Համբարյանը` Miss Earth Armenia 2026 տիտղոսակիր.

3 ապրիլի 2026, 22:16

23 տարեկան Լարիսան @armenianbeauty_official ազգային գեղեցկության մրցույթի արդյունքներով ճանաչվեց Miss Earth Armenia 2026 և այս տարվա աշնանը Վիետնամում կներկայացնի Հայաստանն ամենամյա @missearth 2026 միջազգային հեղինակավոր մրցույթում։

Մեր գեղեցկուհին ավարտել է Սանկտ Պետերբուրգի պետական ճարտարագիտական և տնտեսական համալսարանը, ներկայում ուսանում է Հայաստանի Եվրոպական համալսարանում՝ ստանալով իրավաբանական կրթություն։

Տիրապետում է հինգ լեզուների՝ հայերեն, վրացերեն, ռուսերեն, անգլերեն և չինարեն։

Ծնվել է Վրաստանի Ախալցիխե քաղաքում՝ Ջավախքում, ունի հայկական և վրացական արմատներ։ Նրա կյանքի ուղին անցել է Վրաստանից դեպի Ռուսաստան, ապա՝ Հայաստան, որտեղ շարունակել է իր կրթությունն ու գործունեությունը՝ ամուր կապ պահպանելով իր ինքնության և հայրենիքի հետ ։

Լարիսան ակտիվորեն ներգրավված է Հայաստանի հասարակական կյանքում՝ լինելով Քաղաքացիական պայմանագիր կուսակցության երիտասարդական կառույցի անդամ, ինչպես նաև Երևանի քաղաքապետին կից համայնքային զարգացման ծրագրերի կառավարման խորհրդի անդամ ։

2020 թվականի Արցախյան պատերազմի ընթացքում նա կամավորական գործունեություն է ծավալել՝ կազմակերպելով օգնություն առաջնագծի համար և աջակցելով զոհված զինծառայողների ընտանիքներին։ Նրա ընտանիքը ևս անմասն չի մնացել պայքարից․ եղբայրները մասնակցել են պատերազմին՝ պաշտպանելով հայրենիքը։

Լարիսան իր օրինակով ներկայացնում է կրթված, գիտակից և հայրենասեր հայ երիտասարդի կերպարը: Հաջողություն մաղթենք մեր գեղեցկուհուն սպասվելիք միջազգային մրցույթում ։