Տարածքային փոխանակումների հարցը բանակցային սեղանին է, բայց այդ որոշումները պետք է Ուկրաինան կայացնի։ Դոնալդ Թրամփ
ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինի հետ հանդիպումից առաջ լրագրողների հետ զրույցում հայտարարել է, որ հուսով է՝ այս բանակցություններից մի բան կստացվի։
Ըստ ԱՄՆ նախագահի՝ Պուտինը կարծում է, որ Ուկրաինայի վրա շարունակվող հարձակումները իրեն ուժ են հաղորդում, բայց դա նրան ավելի շատ վնասում է.
Նա հավելել է, որ տարածքային փոխանակումների հարցը կքննարկվի, բայց նա թույլ կտա, որ Ուկրաինան ընդունի այդ որոշումը.
«Տարածքային փոխանակումների հարցը բանակցային սեղանին է, բայց այդ որոշումները պետք է Ուկրաինան կայացնի։ Կարծում եմ՝ նրանք ճիշտ որոշում կկայացնեն»։
Ամերիկացի առանջնորդը հայտնել է նաև, որ բանակցություններում չի բացառվում նաև Կիևի անվտանգության երաշխիքների քննարկումը։ Թրամփը չի բացառել ԱՄՆ-ի կողմից Ուկրաինային անվտանգության երաշխիքներ տրամադրելու հնարավորությունը․
«Հնարավոր է՝ Եվրոպայի և այլ երկրների հետ։ Ոչ՝ ՆԱՏՕ-ի տեսքով, որովհետև դա տեղի չի ունենալու։ Կան բաներ, որոնք տեղի չեն ունենա։ Բայց, այո, Եվրոպայի հետ կա հնարավորություն»,- ասել է նա։
