Ռուսաստանի փոխվարչապետ Ալեքսեյ Օվերչուկը հաջորդ շաբաթ կժամանի Երևան՝ քննարկելու «Թրամփի երթուղին» և տարածաշրջանային հարցերը
Ռուսաստանի փոխվարչապետ Ալեքսեյ Օվերչուկը հայտարարել է, որ հաջորդ շաբաթ կմեկնի Երևան։ Նրա խոսքով՝ այցը նախապես պլանավորված էր և կապված է Հայաստանի օրենսդրությունում ընդունված նոր որոշմամբ, որը, Օվերչուկի կարծիքով, հակասում է Եվրասիական տնտեսական միության իրավական նորմերին։
«Հաջորդ շաբաթ ես կժամանեմ Երևան։ Այցը նախապես պլանավորված էր։ Այն կապված է այն փաստի հետ, որ Հայաստանի օրենսդրությունում ի հայտ է եկել նոր օրենսդրական ակտ, որը, մեր կարծիքով, հակասում է Եվրասիական տնտեսական միության իրավունքին», – նշել է Օվերչուկը լրագրողներին։
Նա ավելացրել է, որ այցի ընթացքում նախատեսվում է քննարկել նաև Հարավային Կովկասում հաղորդակցությունների ապաշրջափակման հարցերը։ «Այնուհետև տեղի ունեցավ հանդիպում Վաշինգտոնում և ստորագրվեց հռչակագիր։ Հետևաբար հնարավոր է հանդիպում Հայաստանի վարչապետ Նիկոլ Փաշինյանի հետ, որտեղ կքննարկենք որոշ նրբերանգներ», – նշել է փոխվարչապետը։
Օվերչուկը նաև ընդգծել է, որ Ռուսաստանը աջակցում է Հայաստանին «Թրամփի երթուղու» ստեղծման հարցում, եթե Երևանը համարի, որ այն ապահովում է անվտանգության երաշխիքներ, սակայն հայկական և ադրբեջանական կողմերի հետ դեռ անհրաժեշտ է հստակեցնել մանրամասները։
