Դուբայում բացվել է աշխարհի ամենաբարձր հյուրանոցը
Դուբայում գտնվող նոր հինգաստղանի Ciel Dubai Marina հյուրանոցը սկսել է ընդունել իր առաջին հյուրերին: Նախագիծը լայն ճանաչում էր ստացել դեռևս շինարարության փուլում՝ որպես աշխարհի ամենաբարձր հյուրանոց, հայտնել է The National-ը։
Ciel Dubai Marina-ի բարձրությունը 377 մետր է:
Ciel Dubai Marina-ն ունի 82 հարկ և 1004 սենյակ: Հյուրանոցային համալիրում է գտնվում աշխարհի ամենաբարձր՝ հսկայական լողավազանը: Գտնվելով 76-րդ հարկում՝ 310 մետր բարձրության վրա, այն Tattu Sky Pool համալիրի մաս է կազմում։
Ciel Dubai Marina-ի բացումը սկզբնապես նախատեսված էր 2024 թվականին, սակայն նախագիծը բազմիցս հետաձգվել է: 82 հարկանի շենքի կառուցումը արժեցել է մոտ 544 միլիոն դոլար և տևել է հինգ տարի։ Հյուրանոցը կառավարվում է The First Group Hospitality-ի կողմից՝ Vignette Collection ապրանքանիշի ներքո, որը IHG Hotels & Resorts ցանցի մաս է կազմում։
Արաբական Միացյալ Էմիրությունները 150 մետրից բարձր երկնաքերերի քանակով առաջատար երեք երկրների շարքում է։ Կան առնվազն 345 նման շենքեր, որոնցից 269-ը գտնվում են Դուբայում։
