Պետական բյուջեի միջոցներով նորոգվում է Երևան-Սևան-Իջևան-ՀՀ սահման միջպետական ճանապարհին գտնվող կամուրջը
Հիմնանորոգվում է Մ-4, Երևան-Սևան-Իջևան-ՀՀ սահման միջպետական նշանակության ավտոճանապարհի կմ19+800-ում գտնվող կամուրջը։
Կատարվել են քանդման և այլ բնույթի աշխատանքներ։ Այս պահին իրականացվում են բետոնացման աշխատանքներ, շինհրապարակ են տեղափոխվել հավաքովի երկաթբետոնե կոնստրուկցիաները։
Կատարվում են հիդրոմեկուսիչ շերտի տեղադրման նախապատրաստական աշխատանքները։ Այս մասին տեղեկացնում են «Ճանապարհային դեպարտամենտ» հիմնադրամից:
Հիմնանորոգումը կատարվում է ՀՀ պետական բյուջեի միջոցներով։
