Մոդին սպառնում է հրթիռային հարվածներ հասցնել Պակիստանին՝ նոր ահաբեկչական հարձակման դեպքում

Հնդկաստանի վարչապետ Նարենդրա Մոդին շաբաթ օրը կոշտ նախազգուշացում է հղել Պակիստանին՝ հայտարարելով, որ ապագայում ցանկացած ահաբեկչական գործողություն կստանա վճռական պատասխան՝ Հնդկաստանում արտադրված սպառազինությամբ։ Այս մասին գրում է Hindustan Times-ը։ Վարանասի քաղաքում ունեցած ելույթում Հնդկաստանի վարչապետը հայտարարել է․ «BrahMos հրթիռները այժմ կարտադրվեն Լաքնաուում։ Եթե Պակիստանը կրկին սխալ քայլ անի, Ուտար Փրադեշում պատրաստված հրթիռները կվերացնեն ահաբեկիչներին»։ Մոդին հավելել է․ «Պակիստանում անգամ BrahMos-ի անունը լսելը բավական է, որ մարդիկ անքնությամբ տառապեն»։ BrahMos-ը մշակել է «BrahMos Aerospace»-ը, որը ռուս-հնդկական համատեղ ձեռնարկություն է: Հրթիռն արտադրվում է ցամաքային, ծովային և օդային բազավորման տարբերակներով։

Ամբողջական հոդվածը կարող եք կարդալ այս հասցեով՝ https://factor.am/918682.html

© factor.am