Բայրամովն ընդունել է Միջին միջանցքի հարցով ԱՄՆ առաքելության ներկայացուցիչներին
Ադրբեջանի արտաքին գործերի նախարար Ջեյհուն Բայրամովն ընդունել է Միջին միջանցքի հարցով ԱՄՆ հավատարմագրված առևտրային առաքելության ներկայացուցիչներին։
Անդրադարձ է եղել օգոստոսի 8-ին Վաշինգտոնում Հայաստանի, Ադրբեջանի և ԱՄՆ-ի միջև ստորագրված փաստաթղթերին, ընդգծվել՝ դրանք պատմական նշանակություն ունեն: Նշվել է, որ այդ պայմանավորվածությունները նպաստում են տարածաշրջանային խաղաղությանն ու առաջընթացին, ինչպես նաև լայն հեռանկարներ են բացում ԱՄՆ-ի և Ադրբեջանի հարաբերությունների զարգացման համար:
Կարևորվել են նաև Ադրբեջանի հարաբերությունները Կենտրոնական Ասիայի երկրների հետ, ինչպես նաև Բաքվի դերը Եվրոպայի էներգետիկ անվտանգության ապահովման գործում:
