Զելենսկու՝ Մոսկվա գնալու հեռանկարն անիրատեսական է. Սիբիհա
Կիևից արձագանքել են Վլադիմիր Պուտինի հայտարարությանը, որ եթե Զելենսկին ցանկանում է բանակցել, կարող է այցելել Մոսկվա:
«Նա բոլորին մոլորեցնում է»,- պնդել է Ուկրաինայի արտգործնախարարը: Անդրիյ Սիբիհան նշել է, որ այժմ Ավստրիան, Վատիկանը, Շվեյցարիան, Թուրքիան և Պարսից ծոցի երեք պետություն պատրաստ է հյուրընկալել Ուկրաինայի և Ռուսաստանի առաջնորդների հանդիպումը։
«Սրանք լուրջ առաջարկներ են, և նախագահ Զելենսկին պատրաստ է հանդիպման՝ ցանկացած պահի»,- շեշտել է դիվանագետը։
Սիբիհան հավելել է, որ Մոսկվա գնալու հեռանկարն անիրատեսական է, նա կոչ է արել ճնշում գործադրել ռուսական կողմի վրա՝ ստիպելու Պուտինին լուրջ վերաբերվել խաղաղության գործընթացին:
