Զգուշավոր լավատեսությամբ ենք նայում Հայաստանի և Ադրբեջանի միջև նախաստորագրված համաձայնագրին. Օվերչուկ
Մենք շատ զգուշավոր լավատեսությամբ ենք նայում Հայաստանի և Ադրբեջանի միջև նախաստորագրված համաձայնագրին՝ հայտարարել է ՌԴ փոխվարչապետ Ալեքսեյ Օվերչուկը: Նրա խոսքով՝ Մոսկվան ցանկանում է, որ այդ համաձայնագիրն ուժի մեջ մտնի. դա կարևոր ներդրում կլինի եվրասիական տարածաշրջանում խաղաղության ամրապնդման գործում։
Նա նաև հայտարարել է, որ Ռուսաստանի և Հայաստանի առևտուրը զգալիորեն կրճատվել է:
«Սպասվում է, որ տարեվերջին այն նախորդ տարվա համեմատ կկրճատվի կրկնակի: Եթե նախորդ տարի այն կազմում էր 12,4 միլիարդ դոլար, ապա այս տարի այն կլինի վեց միլիարդի շրջանում, գուցե, մի փոքր ավելին»,- ասել է Օվերչուկը:
