Իրանը լիովին չի հրաժարվել ԱՄՆ-ի հետ միջուկային բանակցություններից. Լարիջանի
Իրանը լիովին չի հրաժարվել ԱՄՆ-ի հետ միջուկային բանակցություններից, սակայն Վաշինգտոնն անընդունելի պահանջներ է ներկայացնում։ Այդ մասին X-ի իր էջում գրել է Իսլամական Հանրապետության Ազգային անվտանգության բարձրագույն խորհրդի քարտուղար Ալի Լարիջանին:
Նրա խոսքով՝ Միացյալ Նահանգները սեղանի շուրջ չի նստում, ինչի համար անհիմն մեղադրում է Իրանին։ Պաշտոնյան նշել է, որ ԱՄՆ-ի անընդունելի պահանջները զրոյացնում են ցանկացած բանակցություն:
Այս տարվա ապրիլի 12-ից տեղի է ունեցել Իրանի և ԱՄՆ-ի միջև անուղղակի բանակցությունների հինգ փուլ, որոնցում որպես միջնորդ հանդես է եկել Օմանը: Միջուկային ծրագրի քննարկման համար նախատեսված հերթական հանդիպումը չեղարկվել էր, երբ Իսրայելը հունիսին սկսել էր հարվածներ հասցնել Իրանին:
