Ընդդիմությունը հերթական անգամ խայտառակ ֆիասկո ապրեց այսօրվա հրապարակված հուշագրերից հետո. Կոնջորյան
ՀՀ ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանը հանդես է եկել հայտարարությամբ՝ արձագանքելով վերջին օրերին շրջանառվող հուշագրերին և դրանց շուրջ ընդդիմության արձագանքներին։
«Եկեք արձանագրենք, որ ընդդիմությունը հերթական անգամ խայտառակ ֆիասկո ապրեց այսօրվա հրապարակված հուշագրերից հետո:
Պարզվեց, որ Հայաստանը ոչ միայն «միջանցք» չի տալիս, այլև լրջագույն հիմքեր են ստեղծվում Միացյալ Նահանգների հետ խորացնելու համագործակցությունը Խաղաղության խաչմերուկի, էներգետիկ անվտանգության, Արհեստական բանականության և տեխնոլոգիաների ոլորտներում:
Ահա այսպես, ամեն անգամ Հայաստանի հակառակորդների ստերը ջարդուփշուր են լինելու` բախվելով ճշմարտությանը»-գրել է նա:
