Լիբանանում մեկնարկել է պաղեստինցի զինյալների զինաթափման գործընթացը
Լիբանանում պաղեստինյան զինված խմբավորումները սկսել են իրենց զենքերը հանձնել իշխանություններին, հաղորդում է լիբանանյան LBC հեռուստաալիքը։
«Լիբանանը պաղեստինցի փախստականների ճամբարներում զենքի առգրավման գործընթացի առաջին փուլը մեկնարկել է Բեյրութի Բուրջ ալ Բարաջնե ճամբարում»,- հաղորդում է լրատվականը։
Այս քայլը 2025 թվականի մայիսի 21-ին կայացած լիբանանա-պաղեստինյան գագաթնաժողովի արդյունքներից է, որի ժամանակ Լիբանանի նախագահ Ժոզեֆ Աունը և Պաղեստինի ինքնավարության նախագահ Մահմուդ Աբբասը վերահաստատեցին Լիբանանի ինքնիշխանությունը, պետական իշխանությունը և սպառազինության նկատմամբ բացառիկ վերահսկողության սկզբունքը»,- հաղորդում է հեռուստաալիքը։
Թուրքիայում ԱՄՆ դեսպան, Սիրիայի և Լիբանանի հարցերով ԱՄՆ հատուկ ներկայացուցիչ Թոմ Բարաքը ողջունել է կողմերի միջև ձեռք բերված համաձայնությունը։
Օգոստոսի 5-ին Լիբանանի կառավարությունը դիմել էր զինված ուժերի հրամանատարությանը՝ կարգադրելով մշակել մի ծրագիր, որի համաձայն մինչև տարեվերջ միայն բանակի ձեռքին կմնա զենք։ Նախատեսվում է զինաթափել նաև «Հըզբոլլահ» շարժումը։
Աղբյուր՝ «1lurer.am»
