Հայաստանում Արգենտինայի դեսպան Ռաֆայել Էնրիկե Գոնզալես Ալեմանի հրավերով դեսպանատանը հյուրընկալվել էին «Սուրբ Աստվածամայր» բժշկական կենտրոնի ղեկավար Հովհաննես Զոհրաբյանը և Միջազգային համագործակցության և նյարդավիրաբուժական ծառայության ղեկավար Սամվել Սարգսյանը:
Դեսպանը բարձր է գնահատել «Սուրբ Աստվածամայր» բժշկական կենտրոնի դերը Հայաստանում, ինչպես նաև բուժկենտրոնի միջազգային վարկանիշը, աշխարհի առաջատար բժշկական հաստատությունների հետ ձևավորված հարաբերությունները և առաջարկություն է հնչեցրել ակտիվ համագործակցության Արգենտինայի առաջատար բժշկական հաստատությունների հետ, ինչը երկկողմանի առաջխաղացում և ձեռքբերում կհանդիսանա կլինիկաների համար:
Տեսադարան
Առաջիկայում նախատեսվում են փոխադարձ այցեր և համագործակցության նոր եզրեր «Սուրբ Աստվածամայր» բժշկական կենտրոնի և Արգենտինայի Ռիվեր Փլեյթ հիվանդանոցի, Բուենոս Այրես քաղաքի Բելգրանո Ադվենտիստ հիվանդանոցի և դեսպանատան միջնորդությամբ նաև Խուան Գարահանի անվան Մանկական հիվանդանոցի միջև: Սա կամրապնդի միջազգային գործընկերությունը և կխթանի գիտելիքների փոխանակման, համատեղ բժշկագիտական գործունեության և մասնագիտական զարգացման նոր հնարավորությունները:
