Սպերցյանը հաստատել է ակումբի նախագահի հետ զրույցը
Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը հաստատել է, որ զրույց է ունեցել ակումբի նախագահ Սերգեյ Գալիցկիի հետ։ Հանդիպման ժամանակ քննարկվել է հայ կիսապաշտպանի ապագան։
«Ես զրույց ունեցա Գալիցկիի հետ, բայց դա կմնա մեր միջև։ Սրանք ներքին հարցեր են։ Կա՞ն ակումբների միջև բանակցություններ։ Ես ոչինչ չգիտեմ դրա մասին»,- Սպերցյանի խոսքերն է մեջբերում RB Sport-ը։
Ավելի վաղ Սպերցյանը Match TV-ին տված հարցազրույցում հաստատել էր «Սաութհեմփթոնի» հետաքրքրությունը և նշել, որ ակումբն առաջարկ է ստացել իր տրանսֆերի վերաբերյալ։
Ընթացիկ մրցաշրջանում 25-ամյա հայ խաղացողը «Կրասնոդարի» կազմում մասնակցել է 8 հանդիպման՝ դառնալով 4 գոլի և նույնքան գոլային փոխանցման հեղինակ։ Սպերցյանի տրանսֆերային արժեքը, ըստ Transfermarkt-ի, կազմում է 25 միլիոն եվրո։
