Ռուսաստանը պատրաստ է հարթակ տրամադրել Հայաստանի և Ադրբեջանի միջև խաղաղության պայմանագիր կնքելու համար. ՌԴ ԱԳՆ
«Ինչպես նախկինում, մենք պատրաստ ենք օգնել Երևանին և Բաքվին տրանսպորտային և տնտեսական հաղորդակցությունների ապաշրջափակման, մարդասիրական հարցերի լուծման, ինչպես նաև խաղաղության պայմանագիր կնքելու համար ռուսական հարթակ պատրաստելու և տրամադրելու հարցում», - Պետերբուրգի միջազգային տնտեսական ֆորումում ասել է փոխարտգործնախարար Միխայիլ Գալուզինը։
Դիվանագետը նշել է, որ Ռուսաստանը մշտապես աջակցում է Երևանի և Բաքվի ջանքերին՝ կարգավորելու հարաբերությունները՝ համաձայն Ռուսաստանի, Ադրբեջանի և Հայաստանի ղեկավարների միջև 2020-2022 թվականներին ձեռք բերված եռակողմ համաձայնագրերի։
«Մենք զգալի ներուժ ենք տեսնում 3+3 տարածաշրջանային համագործակցության հարթակում, որը միավորում է Ռուսաստանը, Իրանը, Թուրքիան, Ադրբեջանը, Հայաստանը և Վրաստանը՝ այսինքն՝ Հարավային Կովկասի երկրներին և նրանց պատմական հարևաններին»։
@ArmeniaSputnik
