Նարեկ Կարապետյանին և մնացած կալուգացիներին կարելի է շնորհավորել, որպես «արևմտյան ադրբեջանի» խոսնակների:
Պետրոսի հետ երեկվա հարցազրույցում, Նարեկ Կարապետյանը, որպես 300 000 ադրբեջանցիների «դեմն առնելու» միջոց` հայտարարում է , թե Հայաստանի Հանրապետությունը 1-ին հանրապետության իրավահաջորդն է, իսկ այնտեղ ադրբեջանցիներ չեն ապրել:
Մի կողմ թողնելով պատմության չիմացությունը, թե Հայաստանի 1-ին հանրապետությունում քանի ադրբեջանցի է ապրել, փաստենք , որ սա հենց Ալիևի «Արևմտյան Ադրբեջանի» խոսույթի հիմնաքարն է, որտեղ նա պնդում է, որ Հայաստանի Հանրապետության անկախության հիմքը ոչ թե պետք է ընդունել Սովետական Հայաստանը` այլ հենց 1-ին հանրապետությունը, որն անկախացել էր 10 000 քկմ վրա, իսկ ահա մնացյալը, հայերին Ստալինն է նվիրել` գրչի մեկ հարվածով:
Հնարավո՞ր է արդյոք Ալիևին անել ավելի լավ նվեր` քան «Ուժեղ» տհասությունը:
Երրորդ հանրապետության հիմնադիր հայրերը հիմար չէին, որ ՀՀ-ն ճանաչում էին Սովետական Հայաստանի ժառանգորդ և այսօրվա կառավարիչները նույնպես հիմար չեն, երբ անվերջ խոսում են Ալմա-Աթայի հռչակագրից:
Մի մտեք էնտեղ, որտեղ ոչինչ չեք հասկանում, սա պետություն ա , Կալուգայի ժեկը չի , որ փողով ու քյաբաբով մի հատ տարածք վերցնեք` խանութ սարքելու համար:
Հայկ Հովյան
