Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել

Փարիզում ՀՀ դեսպանության նոր շենքի բակում Արարատ Միրզոյանը և Ժան-Նոել Բարոն ծիրանենի են տնկել՝ ի նշան Հայաստանի և Ֆրանսիայի միջև հարատև բարեկամության։ 

Ինչպես հայտնում են ԱԳՆ-ից, դեսպան Խաչատրյանն իր խոսքում ընդգծել է. «Հազարամյակներ շարունակ Հայաստանի խորհրդանիշ հանդիսացող ծիրանի ծառը, որի լատիներեն անվանումը Prunus armeniaca է, մեր ժողովրդի համար շատ ավելին է, քան պարզապես պտղատու ծառ։ Այն մարմնավորում է մեր երկրի առատությունը, մեր ազգի դիմացկունությունը և այն խորը կապը, որը միավորում է հայերին իրենց նախնիների ժառանգության հետ»: