Թրամփը դժգոհ է պատերազմը դադարեցնելու Իրանի առաջարկից․ Reuters
ԱՄՆ նախագահ Դոնալդ Թրամփը դժգոհ է Մերձավոր Արևելքի հակամարտությանը վերջ դնելու Իրանի առաջարկից, քանի որ այն չի անդրադառնում Թեհրանի միջուկային ծրագրին։
Այս մասին հաղորդել է Reuters-ը՝ հղում անելով ամերիկացի պաշտոնյայի։
«Նրան դուր չի գալիս այս առաջարկը», - ասել է գործակալության աղբյուրը։
CNN-ը, հղում անելով իրավիճակին ծանոթ երկու աղբյուրի, հաղորդել է, որ Թրամփը, հավանաբար, չի ընդունի Իրանի ծրագիրը: ԱՄՆ պաշտոնյաների կարծիքով` Հորմուզի նեղուցի վերաբացումը՝ առանց Իրանի ուրանի հարստացման և պաշարների հետ կապված հարցերը լուծելու, կարող է զրկել ԱՄՆ-ին բանակցություններում հիմնական լծակից։ Մյուս կողմից, Հորմուզի նեղուցի շրջափակման պահպանումը կերկարաձգի էներգակիրների բարձր գների շրջանը, որն արդեն հանգեցրել է գազի գնի կտրուկ աճի ԱՄՆ-ում, հավելել են նրանք։
Հեռուստաալիքը հաղորդել է, որ Թրամփի հաջորդ քայլերը մնացել են անորոշ։ Ըստ աղբյուրի` ամերիկացի պաշտոնյաները շարունակում են մտահոգված լինել Իրանի կառավարությունում առկա պառակտումներով և անորոշ են, թե ով է վերջնական որոշումներ կայացնելու հնարավոր գործարքի վերաբերյալ։
