Ջրային և արդարադատության ոլորտներում մեծ խնդիրներ ունենք, որոնք չեն լուծվում. Նիկոլ Փաշինյան տեսանյութ
Հայաստանի Հանրապետության կառավարության ծրագրի (2021-2026 թթ.) 2025 թվականի կատարման ընթացքի և արդյունքների մասին զեկույցի քննարկման ժամանակ պատասխանելով ՔՊ խմբակցության պատգամավոր Սերգեյ Բագրատյանի հարցին՝ ՀՀ վարչապետ Նիկոլ Փաշինյանն ասել է, որ իր խոսքում բաց է թողել, թե որտեղ մենք մեծ հաջողություններ չունենք և ինչի վրա պետք է կենտրոնանանք:
Վարչապետը երկու ոլորտ է նշել՝ ջրային և արդարադատության:
«Երկու տեղում էլ մենք մեծ խնդիրներ ունենք, այդ խնդիրները կուտակված են, ու դրանք չեն լուծվում:
Անկեղծ ասած, կարծում եմ, որ դատական համակարգի խնդիրների մի զգալի մասը հնարավոր չի լինելու իրականացնել առանց նոր Սահմանադրության ընդունման, որովհետև իներցիայով տեղապտույտի վիճակը անընդհատ շարունակվելու է, և սահմանադրական կարգավորումներ են պետք, որպեսզի այդ շատ, այսպես ասած, արհեստական պատյանները մի կողմ դնենք և առերեսվենք դատական համակարգում առկա իրավիճակին»,- եզրափակել է վարչապետը:
