Пչնչացվել է Իրանի հրթիռային ենթակառուցվածքների ավելի քան 80%-ը. Դեն Քեյն
Ամերիկյան զորքերը մնում են մարտական պատրաստության վիճակում՝ չնայած ԱՄՆ նախագահ Դոնալդ Թրամփն Իրանի հետ երկշաբաթյա հրադադար է հայտարարել՝ չորեքշաբթի մամուլի ասուլիսում ասել է Շտաբների պետերի միացյալ կոմիտեի նախագահ, գեներալ Դեն Քեյնը։
Գեներալը ողջունել է Իրանի հետ ձեռք բերված համաձայնությունները, բայց նշել է, որ «հրադադարը ընդմիջում է»։
Միևնույն ժամանակ, բարձրաստիճակ զինվորականը կարծիք է հայտնել, որ ԱՄՆ-ն հասել է իրանական բալիստիկ հրթիռների և անօդաչու թռչող սարքերի ներուժը, իրանական ռազմածովային նավատորմը և պաշտպանական-արդյունաբերական բազան ոչնչացնելու ռազմական նպատակներին:
Գեներալ Քեյնը հայտարարել է, որ ԱՄՆ ռազմաօդային ուժերն իրականացրել են ավելի քան 10000 առաքելություն, այդ թվում՝ 62 ռմբակոծիչ թռիչք, որոնցից 18-ը եղել են անմիջապես ԱՄՆ-ից (յուրաքանչյուրը տևել է ավելի քան 30 ժամ)։
Նրա խոսքով՝ ԱՄՆ-ն խոցել է Իրանի ավելի քան 13000 թիրախ, որոնցից 4000-ը՝ օպերատիվ։ Ոչնչացվել է հակաօդային պաշտպանության մոտ 80%-ը՝ ավելի քան 1500 օբյեկտ, ինչպես նաև հրթիռների 450 պահեստ և 800 անօդաչու թռչող սարք։ Ոչնչացվել է ավելի քան 2000 հրամանատարական և կառավարման հանգույց, խորտակվել է նավատորմի ավելի քան 90%-ը՝ մոտ 150 նավ։ 700 հարված է հասցվել ծովային ականներին՝ ոչնչացնելով մինչև 95%-ը։ Հարվածի տակ է հայտնվել զենքի գործարանների 90%-ը, հրթիռային ենթակառուցվածքների ավելի քան 80%-ը և միջուկային բազայի գրեթե 80%-ը։
