Վաշինգտոնի գլխավոր դատախազը դատարան է դիմում Թրամփի՝ ոստիկանության մասին որոշման համար Նախագահի հրամանագրով՝ Վաշինգտոնի ոստիկանությունը տեղափոխվել է ԱՄՆ դաշնային կառավարության անմիջական վերահսկողության տակ:
Վաշինգտոնի գլխավոր դատախազ Բրայան Շվալբը հայտարարել է, որ դատարան է դիմելու ԱՄՆ նախագահ Դոնալդ Թրամփի՝ մայրաքաղաքի ոստիկանությունը Դաշնային վերահսկողության տակ տեղափոխելու որոշման կապակցությամբ:
«Մենք դատի ենք տալիս, որպեսզի արգելափակենք Կոլումբիայի շրջանի ոստիկանության նկատմամբ դաշնային իշխանությունների վերահսկողության մասին որոշումը: Մայրաքաղաքի ոստիկանության վարչության նկատմամբ հսկողությունն անօրինական է, վարչակազմը չարաշահում է օրենքի համաձայն իրեն տրված ժամանակավոր, սահմանափակ լիազորությունները»,- գրել է գլխավոր դատախազը X-ի իր էջում: Նա նաև այդ քայլն անվանել է «ամենալուրջ սպառնալիք» Կոլումբիայի շրջանի ինքնակառավարմանը, որին ինքը երբևէ բախվել է:
Երկուշաբթի ԱՄՆ նախագահ Դոնալդ Թրամփը հայտարարել էր Վաշինգտոնում հանցավորության դեմ պայքարին ուղղված դաշնային իշխանությունների մի շարք քայլերի մասին: Նախագահի հրամանագրով՝ Վաշինգտոնի ոստիկանությունը տեղափոխվել է ԱՄՆ դաշնային կառավարության անմիջական վերահսկողության տակ: Բացի այդ, Թրամփը Վաշինգտոն է ուղարկել ԱՄՆ ազգային գվարդիան և սպառնացել է անհրաժեշտության դեպքում մայրաքաղաք ուղարկել նաև զինված ուժերը:
