Արաղչին և Ֆիդանը քննարկել են տարածաշրջանում ստեղծված իրավիճակը

Իրանի արտաքին գործերի նախարար ԱբասԱրաղչին բանակցություններ է վարել իր թուրք գործընկեր Հաքան Ֆիդանի հետ և քննարկել իրավիճակը տարածաշրջանում:Այդ մասին հայտնում է Իրանի ԱԳՆ մամուլի ծառայությունը սոցցանցերում։

Արաղչին ընդգծել է Իրանի վճռականությունը՝ «պաշտպանելու իր ինքնիշխանությունն ու տարածքային ամբողջականությունը»: Իրանցի դիվանագետը նաև նշել է, որ տարածաշրջանում առկա անկայունությունը ԱՄՆ-ի և Իսրայելի գործողությունների «ուղղակի արդյունքն» է։

Ֆիդանն էլ մատնանշել է տարածաշրջանում պատերազմի շարունակման հետևանքները ևխոսել տարածաշրջանի երկրներիներկայացուցիչների հետ վերջերս կայացած խորհրդակցությունների մասին։ Նա նաև ընդգծել է Իրանի ու Մերձավոր Արևելքի երկրների միջև լարվածությունը նվազեցնելու և հարաբերություններն ամրապնդելու անհրաժեշտությունը։