Իրեն բույսերի «բժիշկ» հռչակած, տարբեր կուսակցություններով ավագանի դարձած, բայց այդպես էլ սեփական գաղափարները չձեւակերպած Քրիստինե Վարդանյանը հերթական անգամ փորձում է ցեխ շպրտել «Կանաչապատում եւ շրջակա միջավայրի պահպանություն» ՀՈԱԿ-ի կատարած աշխատանքի վրա՝ թիրախավորելով տնօրենի աշխատանքը եւ խոսելով իբր ծառերի «սպանդի» մասին։
Սակայն տիկին Վարդանյանը, կարծես, մոռացել է իր պաշտոնավարման տարիները, երբ Երեւանում տնկվում էին բարակ «ճիպոտներ», որոնց մեծ մասը անգամ չէր հասնում ծառ դառնալու փուլին։ Այսօր նա համարձակվում է քննադատել տասը եւ ավելի տարիքի ծառերին, որոնք արդեն լիարժեք կատարում են իրենց էկոլոգիական ֆունկցիան։
Ես հրապարակում եմ հենց այդ ժամանակվա տնկված «ճիպոտների» լուսանկարները։
Սիրելի երեւանցիներ՝ գնահատականը տվեք ինքներդ։
Քաղաքական շոուները եւ արհեստական աղմուկը կարող են ժամանակավոր ուշադրություն գրավել, բայց դրանք չեն կարող կանգնեցնել աշխատանքը։
Ինչքան էլ քաղաքական դրդապատճառներով որոշ շրջանակներ ջղաձգվեն, միեւնույնն է՝ մենք շարունակելու ենք աշխատել եւ մեծացնել Երեւանի կանաչ զանգվածը։
Ստեփան Աղամալյան
