Ֆրանսիայի նախագահ Էմանուել Մակրոնը հայտարարել է, որ իր երկիրը չի միջամտում Մերձավոր Արևելքի հակամարտությանը, միայն պաշտպանում է իր քաղաքացիներին և դաշնակիցներին, աջակցում է Լիբանանին: Այս մասին հայտնել է Le Figaro պարբերականը։
Նա հայտարարել է, որ Ֆրանսիան ռազմական ուժեր է ուղարկել Մերձավոր Արևելք, այդ թվում՝ «Շառլ դը Գոլ» ավիակիրը, Իրանի կողմից թիրախավորված իր քաղաքացիներին և դաշնակիցներին պաշտպանելու համար, օգնում է նրանց «անօդաչու թռչող սարքերի և հրթիռների որսման» հարցում։ Ըստ Ֆրանսիայի ղեկավարի՝ Փարիզը ջանքեր է գործադրում՝ «ապահովելու ծովային նավարկության անվտանգությունը»։
Մարտի 3-ին ժողովրդին ուղղված հեռուստաուղերձում նախագահը հայտարարել է, որ ձգտում է կոալիցիա ստեղծել՝ տարածաշրջանում «գլոբալ տնտեսության համար կենսական նշանակություն ունեցող ծովային ուղիների» անվտանգությունն ապահովելու նպատակով։
