Yandex-ի վարորդը ոչ թե ադրբեջանցի է այլ թուրքմեն․ ֆեյսբուքյան օգտատիրոջ աղմուկ հանած տեսանյութի հետքերով. FIP
«Փաստերի ստուգման հարթակը» գնացել է այս պնդումների հետքերով ու պարզել, որ վարորդը Թուրքմենստանի քաղաքացի է։
Մեքենան պատկանում է ՀՀ քաղաքացու
Այսպես, FIP.am-ը նույնականացրել է պետհամարանիշը. այն պատկանում է Հայաստանի Հանրապետության քաղաքացու։
Լուսանկարում երևում է, որ քաղաքացին, որին պատկանում է մեքենան, ունի հայկական անձնագիր, և այն տրվել է ՀՀ ոստիկանության անձնագրային և վիզաների ծառայության տարածքային 044 կոդով ստորաբաժանման կողմից։
FIP.am-ը կապ հաստատեց մեքենայի սեփականատիրոջ հետ, որը (անունը չի նշվում նրա խնդրանքով) հայտնեց՝ Yandex-ում տաքսու ծառայություններ մատուցող մեքենայի վարորդը Թուրքմենստանի քաղաքացի է։ Սեփականատերը մեզ տրամադրեց թուրքմեն վարորդի անձը հաստատող փաստաթղթի ու վարորդական վկայականի պատճենները։
Վարորդը 1991 թվականին ծնված Աքմուրադով Բայրամգելդի անունով Թուրքմենստանի քաղաքացի է։
Այսպիսով, Մարինա Պողոսյան ֆեյսբուքյան օգտատիրոջ հրապարակած լուսանկարներում ոչ թե ադրբեջանցի է, այլ Աքմուրադով Բայրամգելդին է՝ թուրքմենական քաղաքացիությամբ։
Մեր ձեռքի տակ են հայտնվել նաև Մարինա Պողոսյանի ու վարորդի մասնակցությամբ տեսաձայնագրությունները, որոնցում չնայած վարորդը նշում է, որ ադրբեջանցի չէ, Պողոսյանը շարունակում է վիրավորել նրան ու հորդորել նրան «վերադառնալ Ադրբեջան»։
