Չաղ Ռուստամին ԱԱԾ մեկուսարանից դուրս են հանել․ 1 ժամ թույլտվություն՝ հոր հոգեհանգստին. armlur.am

Հեղինակություն Ռուստամ Ստեփանյանին ԱԱԾ մեկուսարանից դուրս են հանել եւ տարել են հոր հոգեհանգստին:

ArmLur.am-ին հասած տեղեկությունների համաձայն՝ վերջինիս պաշտպանը միջնորդություն է ներկայացրել, որ 3 օր թույլատրեն մասնակցի իր հոր հոգահանգստին եւ հուղարկավորությանը, սակայն ընդամենը մեկ ժամ են թույլ տվել մասնակցի իր հայրիկի հոգեհանգստի արարողությանը։

Սպանությունից անցել է 7 օր, սակայն մինչ օրս ձերբակալվածներ չկան:

Armlur.am-ի բացառիկ տեղեկությունների համաձայն, իրավապահները պարզել են քրեական հեղինակություն Չաղ Ռուստամի՝ Ռուստամ Ստեփանյանի հորը սպանողների ինքնությունը։ Առաջիկայում իրավապահ մարմինները կոնկրետ գործողությունների են գնալու, և սպասվում են ձերբակալություններ։

ArmLur.am-ին հասած նախնական տեղեկությունների համաձայն՝ քրեական հեղինակություն Չաղ Ռուստամի՝ Ռուստամ Ստեփանյանի հոր ուղղությամբ կրակողները եղել են 2 հոգի։ Իրավապահ համակարգից ArmLur.am-ին հասած լուրերի նախնական տվյալներով՝ քրեական հեղինակության հորը սպանելու համար գործադրվել է 2 զենք։ Արդյոք սպանության փորձը կապ ունի մեկ տարի առաջ քրեական հեղինակություն «Ֆազի» սպանության հետ, որի համար որպես կազմակերպիչ մեղադրյալի աթոռին է Չաղ Ռուստամը՝ Ռուստամ Ստեփանյանը, հուսանք՝ կպարզի քննությունը։ Վենդետա է կատարվածը:

Սկզբնաղբյուր՝ ArmLur.am