2026 թվականը հայտարարենք ոչ միայն կրթվելու, այլև՝ մեզանից մեր լավագույն տարբերակը կերտելու տարի. Աննա Հակոբյան
2026 թվականը հայտարարենք ոչ միայն կրթվելու, այլև՝ մեզանից մեր լավագույն տարբերակը կերտելու տարի։ Այդ մասին ասված է ՀՀ վարչապետի տիկին Աննա Հակոբյանի Ֆեյսբուքի էջում։
«Ավելի գրագետ, ավելի բարի, ավելի հանդուրժող, ավելի իմաստուն, ավելի մարդասեր, ավելի կարգապահ, ավելի արդար, ավելի ինքնավստահ, ավելի սպորտային, ավելի առողջ, ավելի զարգացած, ավելի կարդացած, ավելի հոգևոր, ավելի քաղաքավարի, ավելի կիրթ, ավելի հարգալից, ավելի խաղաղ, ավելի ապահով և ավելի երջանիկ՝ այսպիսին մարդիկ չեն ծնվում, այսպիսին դառնում են։
Սրա համար անհետաձգելիորեն պետք է մեր մեջ զարգացնենք երկու հմտություն. Չքննարկե՛լ ուրիշներին և աշխատե՛լ սեփական անձի մշակման վրա։
Մեզանից մեր լավագույն տեսակը քանդակելու կարճ և դեսերտի նման հաճելի ճանապարհ կա՝
- 1 ամիս՝ ընթերցված 1 գիրք
Կարևոր չէ՝ ինչ գիրք. մեծ, փոքր, արկածային, թրիլլեր, մասնագիտական, կրոնական, ֆենթեզի, սատիրա, ինքնակենսագրական, դրամա, ռոմանտիկա, դետեկտիվ։
«1 ամիս՝ ընթերցված 1 գիրք», և մենք ամեն օր ինքներս մեզ նվեր կանենք՝ մեր լավագույն տարբերակը կնվիրենք մեր սովորական «ես»-ին»,- գրել է նա։
