ՆԳ նախարար Արփինե Սարգսյանը ներկա է եղել Մարի Իզմիրլյանի անվան մանկատան սաների ամանորյա հեքիաթային ներկայացմանը (ՏԵՍԱՆՅՈՒԹ)
Դեկտեմբերի 25-ին Մարի Իզմիրլյանի անվան մանկատանը տոնական մթնոլորտ էր։ «Ամանորյա երազ» խորագրով ներկայացման հերոսները երեխաներն էին՝ իրենց ժպիտներով, երազանքներով և հեքիաթային կերպարներով։
Միջոցառմանը ներկա էր ՆԳ նախարար Արփինե Սարգսյանը։
Ներկա էին նաև ՆԳ նախարարի տեղակալ Արմեն Ղազարյանը, Աշխատանքի և սոցիալական հարցերի նախարարի տեղակալ Տաթևիկ Ստեփանյանը, ՆԳ նախարարության և «ՍՕԱՐ Հայաստան» բարեգործական հիմնադրամի ներկայացուցիչներ։
Մանկատան սաները ներկայացրին իրենց հեքիաթային կերպարները և կատարած բարի գործերի համար լուսավորելով աստղերը՝ տոնական տրամադրություն պարգևեցին հյուրերին։
Ներկայացման ավարտին ՆԳ նախարարության կողմից նվերներ հանձնվեցին երեխաներին։
Հանդիպումը սպասված էր հատկապես մանկատան սան Ալենի համար, ով երազում է դառնալ ոստիկան: Ալենը հնարավորություն ունեցավ շրջել պարեկների հետ, ծանոթանալ իր երազանքի մասնագիտությանը:
