Սահմանին շատ հանգիստ է. Պապիկյան
ՀՀ պաշտպանության նախարար Սուրեն Պապիկյանը, ճեպզարույցում խոսելով Ամանորից առաջ սահմանային հնարավոր լարվածության մասին, ընդգծել է, որ մտահոգություն չկա. «Սահմանին շատ հանգիստ է»։
«Չեմ կարծում, որ սահմանին հիմա լարվածության մասին ինչ-որ մտահոգություն կարող է լինել»,-ասել է Սուրեն Պապիկյանը՝ հավելելով՝ տոնական օրերին, բնականաբար, ծառայությունն ավելի զգոն է։
«Բայց, հաշվի առնելով եղանակային պայմանները՝ քամին, բուքը, այլ մտահոգություններ ունի այսօր ԶՈւ-ն, և մենք մեր առօրյա խնդիրներով ենք զբաղված»,-շեշտել է պաշտպանության նախարարը։
