Քաշքշել են միմյանց մազերից, հայհոյանքներ հնչեցրել․ Բրյուսովի համալսարանի միջադեպով քրեական վարույթ է նախաձեռնվել
Երևանի Վալերի Բրյուսովի անվան պետական համալսարանում երեկ ծեծկռտուք է տեղի ունեցել մի խումբ աղջիկների միջև։
Factor.am-ի տեղեկություններով՝ նրանք քաշքշել են միմյանց մազերից, հայհոյանքներ հնչեցրել։
ՆԳՆ ոստիկանությունը երեկ հայտնաբերել է միջադեպի բոլոր մասնակիցներին և ֆիզիկական ներգործության կասկածանքով ձերբակալել նրանց։
Քննչական կոմիտեից Factor.am-ին հայտնեցին, որ մի խումբ անձանց կողմից ֆիզիկական ներգործության հատկանիշներով քրեական վարույթ է նախաձեռնվել։ Ձերբակալված բոլոր ուսանողներն ազատ են արձակվել։ Նրանք Լեզվաբանության և մանկավարժության ֆակուլտետից են։ Թե որն է եղել վիճաբանության պատճառը, իրավապահ կառույցները չեն հայտնում։
