Հերթական կեղծիքն են տարածել համացանցում, թե իբր մայրաքաղաքում հաստաբուն ծառեր են հատվել
Հարգելի քաղաքացիներ, ֆեյսբուքյան որոշ օգտատերեր հերթական կեղծիքն են տարածել համացանցում, թե իբր մայրաքաղաքում հաստաբուն ծառեր են հատվել:
Այս մասին հայտնել են «Կանաչապատում և շրջակա միջավայրի պահպանություն» ՀՈԱԿ-ի ֆեյսբուքյան պաշտոնական էջում:
Քանի որ ստահոդ լուրն արդեն տարածվում է սոցցանցի օգտատերերի շրջանում, հարկ ենք համարում տեղեկացնել, որ հրապարակված նկարը 2017 թվականի է, իսկ ծառերը հատվել էին Դավթաշեն վարչական շրջանում:
Կազմակերպությունը դիմելու է ոստիկանություն ակնհայտ կեղծիք տարածողի ինքնությունը պարզելու և պատասխանատվության ենթարկելու համար:
Տեղադրում ենք նաև տեսանյութեր, որոնք փաստում են 2017 թվականին կատարված ծառահատման դեպքը:
