Բարսելոնան կորցրեց իր ֆուտբոլիստին 2 շաբաթով. ինչ է հայտնի
«Բարսելոնայի» մամուլի ծառայությունը հայտնում է, որ թիմի իսպանացի կիսապաշտպան Ֆերմին Լոպեսը վնասվածք է ստացել։
Հաղորդվում է, որ 22-ամյա ֆուտբոլիստի մոտ ախտորոշվել է աջ ոտքի կամբալաձև մկանի թեթև վնասվածք։ Նախնական տվյալներով՝ ապաքինման համար կպահանջվի մոտ երկու շաբաթ։
Նշվում է նաև, որ «կապտանռնագույնների» մեկ այլ կիսապաշտպան՝ Պեդրին, վերսկսել է մարզումները ընդհանուր խմբի հետ։ 23-ամյա իսպանացին հոկտեմբերի վերջին ստացել էր ծնկատակի ջլի պատռվածք։
Ընթացիկ մրցաշրջանում Ֆերմինը «Բարսելոնայի» կազմում անցկացրել է 13 հանդիպում՝ դառնալով 7 գոլի և 4 գոլային փոխանցման հեղինակ։ Պեդրին նույնպես մասնակցել է 13 խաղի՝ իր ակտիվում գրանցելով 2 գոլ և 2 արդյունավետ փոխանցում։
