Գործնականն առաջ գցելու 1 օրն արժե 300 դրամ․ հերթական ստվերային բիզնեսը՝ վարորդականների շուկայում
Հայաստանում քաղաքացիները վարորդական վկայական ստանում են 2 փուլով քննություններ հանձնելով։
Տեսական քննությունը բարեհաջող հանձնելուց հետ միայն օնլայն գրանցվում են գործնական քննություն հանձնելու համար և սահմանված ժամկետ կա երկու քննությունների միջակայքում, որը լրանալուց հետո անվավեր է համարվում նաև տեսական քննությունը, եթե գործնականը հանձնած չեն լինում։
Գործնական քննության համար գրանցվելուց հետո ծրագիրը համապատասխան օր է նշանակում, սակայն դրանք երբեմն շատ ուշ են լինում։ Oragir.News-ը քաղաքացիներից ահազանգեր է ստանում, որ այս դեպքում ևս առիթից օգտվողներ կան։ Տելեգրամյան բոտեր են ստեղծվել, որոնք առաջարկում են գործնական քննության օրը առաջ գցել՝ յուրաքանչյուր օրվա համար վճարելով 300 դրամ, որը նախկինում ավելի մատչելի էր՝ 200 դրամ։ Ու որքան էլ տպավորություն ստեղծեն, թե ոստիկանությունը այս գործողությունից անտեղյակ է, բայց ենթադրելի է, որ ոստիկանության աջակցությամբ էլ հենց այս ամենը իրականացվում է։
