Կասկածյալներից երկուսը մասամբ խոստովանել են մասնակցությունը Լուվրի կողոպուտին. Լորա Բեկո
Մամուլի ասուլիսում Փարիզի դատախազ Լորա Բեկոն հայտնել է, որ շաբաթ երեկոյան Լուվրի կողոպուտին մասնակցելու կասկածանքով ձերբակալված երկու տղամարդիկ «մասամբ խոստովանել են իրենց մեղքը»՝ տեղեկացնում է Euronews-ը։
Ոստիկանությունում 96 ժամ կալանքի տակ մնալուց հետո կասկածյալները ներկայացել են քննիչ դատավորի մոտ, որը նրանց ներկայացրել է «կազմակերպված գողության» և «հանցավոր դավադրության» մեղադրանք։ Դատախազը միջնորդել է խափանման միջոց ընտրել կալանավորումը:
Կասկածյալներից մեկը 34-ամյա գործազուրկ ֆրանսիաբնակ ալժիրցի է, որը ձերբակալվել է Ռուասի օդանավակայանում Ալժիր մեկնող ինքնաթիռ նստելուց առաջ։ Երկրորդը՝ 39-ամյա ֆրանսիացի է, որը ձերբակալվել է Օբերվիլիեում և արդեն հայտնի է «ծանրացուցիչ հանգամանքներում կատարած գողության» համար։
Երկուսն էլ գրանցված են եղել ոստիկանության տվյալների բազայում, նրանցից մեկի ԴՆԹ-ն հայտնաբերվել է սկուտերներից մեկի վրա, մյուսինը՝ կոտրված պատուհանի։
Ենթադրվում է, որ կողոպուտին մասնակցել է ևս երկու մարդ։ Սակայն դատախազը չի բացառել ավելի մեծ կազմակերպված խմբի գոյության տարբերակը։
