Երևանը հյուրընկալեց CORLEAP-ի 14-րդ տարեկան համաժողովը՝ ընդգծելով տարածաշրջանային համագործակցության նոր փուլը. Լևոն Հովհաննիսյան
Երևանը հյուրընկալեց Արևելյան գործընկերության տարածաշրջանային և տեղական իշխանությունների համաժողովի (CORLEAP) 14-րդ տարեկան հանդիպումը։
Այս մասին ֆեյսբուքյան իր էջում գրել է Երևանի քաղաքապետի տեղակալ Լևոն Հովհաննիսյանը:
Համաժողովի ընթացքում քննարկվեցին ԵՄ-ի նոր ռազմավարական մոտեցումը Սևծովյան տարածաշրջանի նկատմամբ, ապակենտրոնացման ընթացիկ վիճակը Արևելյան գործընկերության երկրներում, ինչպես նաև ընդունվեց CORLEAP-ի 2025-2029թթ. գործողությունների ծրագիրը։
Հանդիպման ավարտին որոշվեց, որ հաջորդ տարվա համանախագահող պետությունը կլինի Մոլդովան։
Երևանի համար նման միջոցառումների հյուրընկալումը կարևոր հնարավորություն է ներկայացնելու մեր քաղաքի առաջընթացը և խորացնելու միջազգային համագործակցությունը։
