Մադագասկարում ընդդիմության կողմն անցած զինվորականները հայտարարել են երկրի նկատմամբ վերահսկողության մասին

Մադագասկարում ընդդիմության կողմն անցած զինվորականները հայտարարել են երկրի նկատմամբ վերահսկողություն սահմանելու մասին։ Բանակի գնդապետ Ռանդրիանիրինան տեղեկացրել է, որ լուծարել են կառավարական բոլոր մարմինները՝ բացի խորհրդարանի ստորին պալատից, որը քվեարկել է նախագահին պաշտոնանկ անելու օգտին։

Ավելի վաղ Մադագասկարի նախագահ Անդրի Ռաձուելինան զանգվածային ցույցերի ֆոնին լքել էր երկիրը։ Հոկտեմբերի 13-ի երեկոյան Ռաձուելինան հանդես էր եկել հայտարարությամբ՝ նշելով, որ ստիպված էր լքել Մադագասկարը՝ կյանքը փրկելու համար։ Ավելի վաղ նա հայտնել էր, որ երկրում իշխանությունը անօրինական և բռնի կերպով զավթելու փորձ է արվում։

Մադագասկարում բողոքի ակցիաները սկսվել են սեպտեմբերի վերջին։ Ցուցարարները դժգոհել են գործազրկության բարձր մակարդակի, կոռուպցիայի և գնաճի դեմ։ Քաղաքացիները, ի թիվս այլնի, պահանջել են նախագահի հրաժարականը։