Թբիլիսիի քաղաքապետի ընտրություններում հաղթանակ է տարել Կախա Կալաձեն
Թբիլիսիի քաղաքապետի ընտրություններում հաղթանակ է տարել Կախա Կալաձեն՝ առաջ անցնելով մրցակիցներից եւ հավաքելով ձայների ավելի քան 71 տոկոսը քվեաթերթիկների 100 տոկոսի հաշվարկի արդյունքում. երկրորդ տեղը զբաղեցրել է «Ուժեղ Վրաստան» և «Գախարիան հանուն Վրաստանի» կուսակցությունների թեկնածու Իրակլի Կուպրաձեն: Նրա օգտինքվեարկել է ընտրողների 12,275 տոկոսը։
Առաջատարների եռյակըեզրափակում է «Գիրչի» կուսակցությունից Յագո Խվիչիան, որը ստացել է ձայների 7,624 տոկոսը:
Հիշեցնենք՝ Վրաստանում ՏԻՄ ընտրությունները ուղեկցվել են զանգվածային ցույցերով։ Քվեարկությունը դեռ չավարտված՝ ցուցարարներն ամբողջությամբ փակել են Ռուսթավելիի պողոտան և հարակից Ազատության հրապարակը: Թբիլիսիում անկարգությունների հետևանքով վիրավորվել է 6 ցուցարար և իրավապահ մարմինների 21 աշխատակից, հաղորդում են Վրաստանի պետական մարմինները։
Վրաստանի 64 շրջաններում ՏԻՄ ընտրություններ էին։ Ընտրություններին մասնակցել է 12 կուսակցություն, նրանց թվում են նաև ընդդիմադիր ուժեր, առաջատար ընդդիմադիր կուսակցությունները՝ «Հանուն փոփոխությունների կոալիցիան», «Միացյալ ազգային շարժումը», բոյկոտել են։
