«Ծիրան» սուպերմարկետում հրդեհ է բռնկվել․
Այսօր՝ օգոստոսի 5-ին, հրդեհ է տեղի ունեցել Երևանում։
Ժամը 18:30-ի սահմաններում ՀՀ Ներքին գործերի նախարարության փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Գայի պողոտա թիվ 8/2 հասցեում գտնվող «Ծիրան» սուպերմարկետից ծուխ է նկատվում։
Պարզվել է, որ հրդեհը բռնկվել է սուպերմարկետի ներսի և դրսի կողմերից՝ էլեկտրալարերից առաջացած կայծից։
Ըստ նախնական տեղեկությունների՝ բարեբախտաբար տուժածներ չկան։
