Երևանի դպրոցներում հնարավոր է սահմանափակվի սմարթֆոնների օգտագործումը
Քաղաքապետարանը նոր նախագիծ է առաջարկում, որով սահմանվում են հետևյալ կանոնները՝
1-6-րդ դասարաններում առաջարկվում է դասերի և դասամիջոցների ընթացքում ամբողջությամբ արգելել հեռախոսների օգտագործումը։ Հեռախոսները դասերի սկզբում կհանձնվեն դասղեկին և կվերադարձվեն օրվա վերջում։
7-12-րդ դասարաններում սարքերը (հեռախոս, պլանշետ, խելացի ժամացույց) կարելի է օգտագործել միայն կրթական նպատակով՝ ուսուցչի հրահանգով ու վերահսկողությամբ։
Առաջարկները շուտով կուղարկվեն դպրոցներ՝ ներքին կանոնակարգերում ամրագրելու համար։
«Ես վստահ եմ, որ դպրոցականները մի փոքր կընդվզեն մեր որոշմանը, բայց կրթության որակի, նրանց առօրյայի ու երջանկության վրա վստահորեն այս արգելքները դրական են ազդելու»,- նշել է քաղաքապետ Տիգրան Ավինյանը։
