Օգոստոսի 6-ից որոշակի ժամերի Դիլիջանի թունելով երթևեկությունը փակ կլինի
Օգոստոսի 6-ից՝ գիշերային ժամերին (ժ.00.00-ից մինչև 06.00), Դիլիջանի թունելով երթևեկությունը փակ է լինելու բոլոր տեսակի տրասպորտային միջոցների համար։
Այս մասին տեղեկացրել է Ճանապարհային դեպարտամենտը:
Թունելի երթևեկելի մասում իրականացվելու են միջին նորոգման աշխատանքներ։
Գիշերային ժամերին մինչև 7 տոննա թույլատրելի առավելագույն զանգված ունեցող ավտոմոբիլները Դիլիջանի թունելը կարող են շրջանցել Սեմյոնովկա բնակավայրով։ 7 տոննայից ավելի և կցորդով տրանսպորտային միջոցների համար տվյալ ճանապարհը գիշերային ժամերին փակ է լինելու։
Ցերեկային ժամերին երթևեկությունը թունելով բաց է։
Գիշերային ժամերին Դիլիջանի թունելով երթևեկության վերականգնման վերաբերյալ կտրվի լրացուցիչ տեղեկատվություն։
