Արտակարգ դեպք՝ Արագածոտնի մարզում. հրդեհ է բռնկվել Աշտարակի թիվ 2-րդ «Արևիկ» մսուր-մանկապարտեզում. աշխատակիցներն ու երեխաները տարհանվել են
Այսօր՝ օգոստոսի 5-ին, արտակարգ դեպք է տեղի ունեցել Արագածոտնի մարզում: Ժամը 10:40-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Աշտարակ քաղաքի մանկապարտեզներից մեկում ծուխ է նկատվում:
Տեղում պարզվել է, որ հրդեհը բռնկվել է Աշտարակ քաղաքի թիվ 2-րդ «Արևիկ» մսուր մանկապարտեզում:
Բարեբախտաբար տուժածներ չկան:
Մանկապարտեզի աշխատակիցներն ու երեխաները ժամանակին տարհանվել են:
Պարզվել է, որ հրդեհը բռնկվել է խոհանոցում:
Աղբյուրը՝ Գագիկ Շամշյան
