ՀԷՑ-ում ընթացքի մեջ են նախագծային և մալուխային գնումների նախապատրաստական փուլերը
Հայաստանի էլեկտրական ցանցերը (ՀԷՑ) օրեր առաջ հայտարարել էր երկու նոր գնման գործընթացի մեկնարկի մասին՝ նախագծային ծառայությունների և մալուխների ձեռքբերման ուղղությամբ։ Այս փուլը նախատեսված է շուկայի նախնական ուսումնասիրության համար՝ նպատակ ունենալով ապահովել առավելագույն ներգրավվածություն և մրցակցային պայմաններ։
Ըստ ՀԷՑ-ի՝
• Նախագծային ծառայությունների գնումների շրջանակում հայտ են ներկայացրել արդեն 14 ընկերություն,
• Մալուխների ձեռքբերման գնման ընթացակարգի մեջ մասնակցելու հայտ է ներկայացրել 12 ընկերություն։
Վերջնաժամկետին մնացել է գրեթե երկու օր, և ՀԷՑ-ը կոչ է անում շահագրգիռ բոլոր տնտեսվարողներին դիմել ընկերության համապատասխան ստորաբաժանումներ՝ մասնակցելու լայնածավալ գնումների գործընթացներին և մատակարարումներին՝ մրցակցության բաց և թափանցիկ պայմաններում։
Նշենք, որ տեղեկությունն իր էջում հրապարակել է ՀԷՑ-ի ժամանակավոր կառավարիչ Ռոմանոս Պետրոսյանը։
