Դատապարտում եմ Փարաքար համայնքում տեղի ունեցած ողբերգական հարձակումը․ Լյուդվիգ Գյուլնազարյան
Փարաքար համայնքի նախկին ղեկավար Լյուդվիգ Գյուլնազարյանը սոցցանցի իր էջում անդրադարձել է Մերձավանում տեղի ունեցած կրակոցներին, որի հետևանքով սպանվել են Փարաքարի համայնքապետն ու ևս մեկ անձ:
«Խստորեն դատապարտում եմ Փարաքար համայնքում տեղի ունեցած ողբերգական հարձակումը, որի հետևանքով զոհվել են համայնքի ղեկավարը և ոստիկանության ծառայողը։ Վիրավորում ստացած անձին մաղթում եմ շուտափույթ ապաքինում։
Այս ծանր պահին խորին ցավակցություն եմ հայտնում զոհվածների ընտանիքներին, հարազատներին և համայնքի բնակիչներին։ Վստահ եմ, որ իրավապահ մարմինները կձեռնարկեն բոլոր անհրաժեշտ միջոցները հանցագործությունը բացահայտելու և օրենքի ողջ խստությամբ պատասխանատվության ենթարկելու համար»։
