«Երևան» երիտասարդական նվագախումբը ելույթ է ունեցել Թբիլիսիում՝ Հայաստանի անկախության տոնին նվիրված համերգով
Երևանի քաղաքապետարանի կողմից հիմնադրված «Երևան» երիտասարդական նվագախումբը մասնակցել է Թբիլիսիում կայացած տոնական համերգին, որը նվիրված էր Հայաստանի Հանրապետության անկախության տարեդարձին։
Նվագախմբի երիտասարդ երաժիշտները հանդես են եկել բազմաժանր կատարումներով՝ ներկայացնելով հայկական երաժշտական մշակույթը միջազգային լսարանին։ Միջոցառումն ընդգծել է Հայաստանի և Վրաստանի միջև մշակութային համագործակցության շարունակականությունն ու խորացումը։
«Երևան» երիտասարդական նվագախումբը շարունակում է ակտիվ դերակատարում ունենալ մայրաքաղաքի մշակութային կյանքում՝ որպես երիտասարդ տաղանդների զարգացման և ներկայացման հարթակ։
